Referencia Ulobit en el periódico gallego de infromación crítica Novas da Galiza.

Nesta última iniciativa, nascida em 2006, conhecérom-se dous dos integrantes de Ulobit: Xoán-Xil López e Horacio González. Ambos decidírom começar pola sua conta umha colaboraçom que unia a eletrónica, da mao de López, com a vídeo-criaçom de González. Numha atuaçom na Gentalha do Pichel coincidírom com o sanfonista Ariel Ninas- nome artístico de Mauro Sanín- e pouco despois nasceu Ulobit.

[…]

A sanfona é um sintetizador medieval”, explica Ninas. Para o músico a história deste instrumento do século XII tinha que desembocar inevitavelmente na música contemporânea de vanguarda. O artista indica que na Galiza “ainda está muito ligada à música popular, sobretudo aos cantos de cego”, mas o músico decidiu levar a sanfona além explorando todas as suas possibilidades. “Isto é algo que no país fazemos poucos, há pessoas que se autocensuram”, di. Sanfona, vídeo e o som sintetizado polo equipo de Xoán-Xil López som um todo cambiante nas suas atuaçons. Ulobit é, principalmente, improvisaçom, aproveitamento do espaço, também do erro. Os seus trabalhos demoram muito em ser traduzidos ao formato físico. Vickingland, lançado em 2016 e baseado no filme homónima de Xurxo Chirro, foi o primeiro. Tenhem tocado em ambientes muito diferentes e na casa botam em falta espaços onde desenvolver a sua proposta. “Ainda que para o que produzimos fisicamente nos movemos bastante”. Estivérom presentes o ano passado no festival WOS mas cham que fai falta umha aposta maior em grupos que arriscam.

Horacio González considera que os promotores culturais na Galiza “subestimam” o público. Um exemplo: No Museu do Mar presentárom Vikingland perante a vizinhança de Bueu e aos senhores e senhoras “pareceu-lhes umha fricada, mas escuitárom-no e passárom-no pipa”, relata. O grupo explica que a sua relaçom com a música de raiz vem dada pola introduçom da sanfona, que ademais enriquece a posta em cena: “A medida que Mauro toca, o público pode ver como mudam as imagens e os sons sintetizados”. Atualmente trabalham com vídeos relacionados com a dança galega”.

 

[+ info]